ئادىشاۋوي نېمە بولدڭلار؟
- نېمە بوپتىمەن؟
- چىرايىڭ باشقىچە تۇرىدىغۇ، ئۇتتۇرىۋەتكەن قىمارۋازدەك؟ ئايالىڭ خېتىڭنى بېرىۋەتمىگەندۇ؟
- تولا چاخچاق قىلمىغىنا؟ «ئىشەك ئۆلەۋاتسا، بىر نېمىسى غىچەك تارتىپتۇ» دېگەندەك؟
- ئەمىسە نېمە بولدۇڭ؟
- نېمە بولاتتىم؟ بۈگۈن ماۋۇ باشلىق دېگەن ئاداش «بۇرۇتۇڭنى ئالدۇرماپسەن ، 100 كوي جەرىمانە تۆلەيسەن، ماۋۇ بۇرۇتۇڭنى دەرھال يوقاتمىساڭ جەرىمانە يەنە قاتلىنىدۇ » دەيدۇ!
- شۇ گەپمىتى؟ ئېلىۋەتسەڭ بولمامدۇ، ھەممەيلەن ئالدۇرىۋەتكەندىكىن؟
- نېمە دەيدىغاندۇ ماۋۇ؟ يىگىرمە نەچچە يىللىق قەدىناس بۇرۇت ماۋۇ ! ئەر كىشى دېگەننىڭ بۇرۇتى بولمىسا ئاجايىپلا بولۇپ قالىدىكەن. ئۇنىڭ ئۈستىگە ئۇيغۇر ئەركەكلىرىنىڭ بۇرۇت قويۇش ئادىتى بارلىقىنى پۈتۈن دۇنيا بىلىدىغان تۇرسا . ئىددىيە دەمدۇ، خىزمەت دەمدۇ ھەرقاندىقىدا بىزدە چاتاق يوق . يەنە نېمىگە ... بولدىلا ساڭىمۇ چۈشەندۈرۈپ بولالمىغۇدەكمەن.
- قانچە قاخشىساڭمۇ بىكار ئاداش، بۇ دېگەن يۇقۇرىنىڭ بۇيرىقى ئىكەن. ئىجرا قىلمىساق بولمايدۇ.
- ھوي، يۇقۇرى دېگەن قەيەر؟ ئۇ يەردىمۇ بىزدەكلەر باردۇ؟
- ھا ھا ھا ، يۇقۇرىنىمۇ بىلمەمسەن؟ يۇقۇرى دېگەن ئۈرۈمچى.
- ئۈرۈمچى؟ ئۈرۈمچىدىمۇ بىز بىلەن بىر يەرلىك ئادەملەر كۆپقۇ؟ مۇشۇنداق بۇيرۇقنى شۇلار چۈشۈرەمدۇ؟ ئۇ يەردىكى ئەرلەرنىڭ ھەممىسى ئەتىر سوپۇندەك يۈرمەيدىغاندۇ؟
- دەل شۇنداق يۈرۈيدۇ. دەنشىدە (تېلېۋىزور) كۆرمىگەنمىتىڭ؟ زاماننىڭ كەينىدە قاپسەن جۇمۇ؟
- بولدى، بولدى. سەن بىلەن ئۇرۇشۇپ قالماي يەنە.
ئاچچىقىمنى ئاران بېسىۋېلىپ ئۆيگە كەلدىم. ئۆيدىكىلەرنىڭ گەپلىرىمۇ قۇلىقىمغا كىرمەيتتى. ئۆزەمنى بېسىۋېلىش ئۈچۈن تېلېۋىزۇرنى ئاچسام بىر ئاداش « خوتۇن مانا ساڭا ئوسما ئالغاچ كەلدىم» دەۋىتىپتۇ قارىسام يۈزى پاكىز يۇيۇلغان ياڭيۇدەكلا تۇرۇدۇ، يەنە بىر قانالغا يۆتكىسەم بىرسى ھەدەپ خەۋەر سۆزلەۋېتىپتۇ، يەنە بىرسىگە يۆتكىسەم ئاپتونۇم رايۇنىمىزنىڭ ئۆرپ-ئادەت ۋە ئېسىل ئەنئەنىلىرىنى تۇنۇشتۇرىۋېتىپتۇ، يەنە بىرسىگە يۆتكىسەم ئىتوت ئويناۋېتىپتۇ... ھەممىسى ياڭيۇكەن ئەمەسمۇ!
تېلېۋىزورنى «پاسسىدە ئۆچۈردۈم-دە ئاچچىقىمدا ساتراشخانىغا ماڭدىم. ئىچىمدە « ئۈرۈمچىدە ئەر كشى يوقمۇ نېمە؟ » پىچىرلىدىم ئۆز-ئۆزۈمگە .
مەنبەلەر:
http://www.intil.cn/Bbs/ShowPost.asp?ThreadID=3946
http://www.sumrugh-izden.com/5bs/print.asp?id=422
http://bbs.diyarim.com/read.php?tid=16993
